.: TJC Talent Studio's Lyrics :.
Hak Cipta terpelihara yang dipersetujui oleh TJC Talent Studio untuk dipaparkan di dalam blogsite ini bagi memudahkan para peminat mencari lirik lagu pilihan sendiri. Enjoy *cheers*
Wednesday, January 9, 2008
SULOD : Jack & Boni

SIDE A

1 HARO NANGKU GONTOB DI LIISI NUH(DUSUN)

Loyuk : Jacklon pinsin

Roiton : Jacklon Pinsin

Mantad di timpu kito nokopi intutun

Om nogi soira to nokopiboros

Poingopi kui batos nu kumaa doho

”Guminawo ko doho sogi-gisom”

Baino tu nokopi iso kito noh

Nokuro to suminimban ginawo nu

Haro nangku o gontob di lisi nuh

Gisom amu ko momoduli doho

Korus :

Nung nailan ku ginawo nuh miagal diti

Kiharo pama gontob dino lisi nuh

Mada okui daa dot kotilimbus

Rumamit do tudut nuh di to omis

Amu nodi milo do kukuroyon

Nung miagal diti oh karohian nuh

Poboyoonku ika do tumongkiad

Sundung pi ia oruol o ginawo ku

2 RATU CANTIK OM BUJANG KAMPUNGAN(SUNGAI)

Liliu :Jacklon Pinsin

Tinagaran : Marccelintus @ Boni Darawadin

Bang nailaan ku kiat sa nagulu

Sulunganku okou sa pandulung

Bang nailaan ku kiat sa nagulu

Muilog kito kiat s opodok

Sarunat tu pangkat mu ratu cantik

Ompodon koh okon koh alang-alang

Raiton koh di sawa om du rayoh

Terkenal koh seluruh bandar Tawau

Korus:

Atong alandu kalipat adi

Insan waro gelaran ratu cantik

Ondom-ondomon inungkiaton

Atong lipati suku sakat mu

Maya sambatan tangar melayu

Langit bukan lah selalu cerah

Insan okon ka aku pilion mu

Daa kumaus aku sa okou

Nailaanku arauh yoh bida toh

Ratu cantik om bujang kampungan


3 JOGET SUMANDAK SILOU TOBUK(DUSUN)

Loyuk : Jacklon Pinsin

Roiton : Jacklon Pinsin

Gaman intangai pogi lo sumandak

Kitakod opurak miagal do mundok

Sinilou-silou ilo tobuk dau

Mingomit-omit tobuk orang putih

Ie gaman apayakat miningkakat

Onsul-onsul kokito di umandak

Toboyon nopo ginawo do muhang

Sawo om tanak nogi olihuan

Korus:

Oi umandak di tosilou ot tobuk

Soroh-sorohan tanak om ih sawo nu

Osian yolo moti dika

Kada poruolo ginawo diolo

Oi sumandak kitobuk tosilou

Tingkad-tingkadai podano gansau nuh

Kada tongkiadai sawo om tanak nu

Monosol ko moti tahuri tadau

4 RARAA ALINAS BANTUK(SUNGAI)

Liliu : Jacklon Pinsin

Tinangaran : Marccelintus @ Boni Darawadin

Raraa wagu alinas bantuk muno

Alumis kaiwan muno ombo kiat mu

Raraa wagu putungan panjang besar

Abuk onotb sa sadong

Amis pangawa muno

Raraa wagu maayatan aku sa okou

Mututuran kito poh mutandu tandu toko

Raraa wagu alinas bantuk muno

Alumis kaiwan muno

Sambaion ku okou

Korus

Kiat sarunat siri maupi upi ku okou

Salibabaan aku ke ondom sa okou

Kiat sa runat siri daa koloyomng aku

Daa maitilon aku nabilut aku yoh

Talipaunan ku okou sandiang tumimpa

Banar oh kati numbur ni taak mu siri

Inawo ku tu asakit sabanar-banar

Kasiou aku sa okou

Muguyud om kusoi

Inawo ku tu asakit sabanar-banar

Kasiou aku sa kauo mukambai-kambai


5 KOUPOSAN OKU DII TOTOPOT(DUSUN)

Loyuk :Jacklon Pinsin

Roiton : Jacklon Pinsin

Ika koupsan ku di otopot

Ika nogi tua ginawoku

Aiso no suai poinsuang salom ginawoku

Ika no da piupus-upusku

Kada no daa poguhum do suai

Sundung pia kopinsodu kito

Kada oku da olingan handom oku doho

Gompio no daan piupusan kito

Ika koupsan pisoruo-sorouku

Monikid timpu karait oku ngaran nuh

Ika sompuruh do koposionku

Toririmo ko id pomusarahan ku

Ika no songulun ih kouhanganku

Ika nogi sunduan ginwoku

Kada oku da ollingan upus no kumaa doho

Miagal doho poingupus dika

SIDE B

6 UPUS NAKATIMPORON(SUNGAI)

Liliu : Jacklon Pinsin

Tinangaran :Marccelintus @ Boni Darawadin

Inawo ku ko ondom padat sa okou

Ondomku okon ka ginanta-ganta

Okou oh kaupusan ku sa inawo

Okou oh puinawo undu-unduku

Napiris om napilat inawo ku tu

Kaus ku sa okou sambia-bia

Awi runat okuo oh upusonku

Upusku sa okuo daa maaliman

Korus

Andaman ku sangkat

Masa’an tu miupus ih

Miupus gut sa ulan om nbutitin

Iya situ na oyad timpogos piupusan toh

Nakapusandiang kito yoh sa lalan

Kinura ku mangalim sa upus ku tu

Upus ku om rubat nu inawo ku tu

Kinaman ku mamali om mangalim

Upus ku sa okou nakatimporon


7 LIHUAI OKU DIKA(DUSUN)

Loyuk : Jacklon Pinsin

Roiton : Jacklon Pinsin

Osorou ngawi kui pogulu

Boros nuh guminawo doho

Ika noh moti koupusanku

Iti noh boros nuh kuma doho

Nga baino songulun oku poh

Tuminongkiad koh mantad doho

Aiso pama suang diboros nuh

Naimaniman iti ginawoku

Korus

Odoi ruol iti ginawoku

Nosinduan sabab diboros nuh

Sian-sian no ma doho diti

Tinongkiadan do koginawan

Kuroyon poh di oi koupusan

Pinutut nuh piginawan to

Au kui boh sumonsog dika

Lihuai oku dika potilimbus

8 PEGAWAI PENGASIAN(SUNGAI)

Liliu : Jacklon Pinsin

Tinangaran : Marccelintus @ Boni Darawadin

Saduor tibak singlet sampang-sampang

Gincu kapal munung paramiak

Kudow nipis inatagan sabanar

Kasut tinggi kulit dari itali

Gaya-gaya putungan nu modeling

Abuk silou mato aburow-burow

Mabun-tabun sigup jenama salem

Silap tengok kau fikir orang putih

Mambot koh sa pegawai pengasian

Maki nasihat maki kasian

Silap sikit dicuci habis-habis

Jangan menyesal jangan menangis

Tidak ku hairan zaman sekarang

Masuk kampung jalannya lubang-lubang

Masuk bandar lubangnya jalan-jalan

Itu fisyen dunia zaman moden

Insid-insidon atak-atak oh

Sumayuh-sayuh pamimikir oh

Jangan sampai nasi menjadi bubur

Sesal kemudian tiada gunanya


9 ANA KOGINAWANKU(DUSUN)

Loyuk : Jacklon Pinsin

Roiton : Jacklon Pinsin

Oupus oku dia oi Ana

Kaandasan ko diti ginawoku

Pihondom-hondom kuika kasari

Oi Ana ika no koupusanku

Romito iti bunga tinahakku

Tanda do guminawoku dika

Soira langadon ko nopo doho

Singudo ino bunga tinahakku

Oupus oku dia oi Ana

Koinsasamod ko ginawoku

Potopoto no ino ginawo nuh

Oi Ana ika no koupusanku

10 JOGET PENGANTIN WAGU(SUNGAI)

Liliu : Jaccklon Pinsin

Tinangaran : Marccelintus @ Boni Darawadin

Memang apadan memang kapaat

Raraa wagu om wawayoi wagu

Muabi mogom mutinggoi sa longon

Muabi musanding pengantin wagu

Pandulung daiman duo muganding

Pokol bulawan loket cap luku

Putangan wagu jenama dunhill

Buru musawo turu naribu

Korus

Mogom musanding naie sa palamin

Mogom mangakan muido sa pinggan

Mutayad-tayad sa kasusaan

Muido kauh sa kasanangan

Atong lipati tutuo puongkoh

Sumagina om maki lila

Musayu kauh sabanar-banar

Akakal kauh salaid laid

Musayu kauh sabanar-banar

Akakal kauh salaid-laid

© TJC Talent Studio

posted by TJC Talent Studio @ 7:47 PM   0 comments
Thursday, May 31, 2007
Narsisius Bin Justin Misin @ Nars

SIDE A

KOPOSION TULUN TOKOU

Loyuk om Roiton : Narsisius J.Misin

( 22hb.Nov. 2005 )

Kotouladan ku do minamangun

Poimpasi d pomogunan diti

Pomogunan tokou di olumis

Ih roiton do pogun Sabah

Ogumu tulun suai rumikot mogoi intong

Koubasanan tokou do poimpasi d tikid tadau

Koposion nopo tulun tokou

Misompuru id koubasanan

Sundung po tu misuai-suai bangsa

Mogibababas tokou toinsanan

Mogitatabang nunu nopo soira haro do kosusaan

Ingkaa no koposion tokou sogigisom

CHO:

Soira nopo haro karamaian

Tumimung tokou toinsanan

Tompinai ku di nongo nopo

Rumikot mongoi tanud do rumamai

Mamason oku kumaa tompinai

Kada tokou noh lihuwai

Koubasanan mantad di odu aki

Mamantang di Komolohingan

Poinsoduo ih tangaraat

Gompio di tongosonong

Ralan tokou do poimpasi d pomogunan

© TJC Talent Studio

***

ITI NOH RALAN KU

Loyuk om Roiton : Narsisius Justin

( 01 Ogos 2005 )

Au ku noilaan suang do ginawoku

Tu nokosorou oku do tumongkiad diya

Orosian oku popoboros diya

Kaganit ginawonu au milo

Toguanganku oi koupusan

Mokiampun oku kuma diya koupusan

Mimang doho do sala poposinduol do ginawonu

Nga kuroion podi iti noh ralanku

Okon koh tinomodku moninduol diya

Oi koupusan

Alansan oku

Kada kaus doid doho

Iti pasonku

Kada andado kogulianku

Pogihum noh do suai

Kada oku ondomo

Misuai oh ralan to

Iri noh pilionku

Tumongkiad oku

Okon koh kiharo suai

Tupus ku kuma diya

Asaru purimanan id koposionku

© TJC Talent Studio

***

JOGET DO KARAMAIAN

Loyuk om Roiton : Narsisius J Misin

( 06 December 2005 )

Cho: 1

Santari-tari sonsinding-sinding

Manari tokou toinsanan do rumamai

Santari-tari sonsinding-sinding

Suminding tokou toinsanan do rumamai

Kada ko ikum-ikum tompinai

Owiton ih odu aki do manari

Manari joget-joget do karamaian

Joget koubasanan tokou (cho…)

Komolohingan om tanak wagu

Manari tokou gisom osuaban

Manari joget-joget do karamaian

Joget koubasanan tokou (cho…)

Kosumandakan om kobujangan

Kanou mirapat-rapat manari

Manari joget-joget do karamaian

Joget koubasanan tokou

Aman, inai, aki toinsanan

Kada koikum-ikum manari

Manari joget-joget do karamaian

Joget koubasanan tokou (cho…)

© TJC Talent Studio

***

IKA NOH KOUPUSAN KU

Loyuk : Narsisius J. Misin

Roiton : Charles Nickolley & Nars J Misin

Ika noh koupusanku

Miagal do tusak bunga

Pointanom id ginawoku

Winowongi do koposion ku

Ika noh koupusanku

Sosongulun pihondom-hondomku

Ika noh koupusanku

Miagal dilo tulan

Winawau nu id tanga sodop

Monitiu do ralanku

Ontok di otuongon

Koupusanku… ika noh songulun…

Cho:

Ounsikou iti ginawo ku

Tu ika noh koupusan ku

Ika noh songulun

Manahak do kolumiso… doid doho.

Ika noh sorohonku tikid tadau

Lumangad dika oh..o…

Ika noh butiaku

Ginowoonku…sogigisom…oh..o…

Sogigisom.

© TJC Talent Studio

***

OI APA

Loyuk om Roiton : Narsisius Justin

( 25 April 2005 )

Notudou oku do poingodop

Nokoyipioku di apa

Poinggirak ih yapa nokito ku

Purimanan do guangku

Kakal poh ih apa poimpasi

Sundung potoi nobuai oh inugadon no

Pointudung oku momusorou

Nunu noh rati inipianku

Inapag ko do minamangun sino do sawat

Do poinsanang ko no daa

Paii kumaus guangmu

Sambayangan ku yiapa do intob odou

Nokoturu romouku nokohondom diapa

Timpu do kakal po yiapa poimpasi

Magayo tinoluod pinataak niapa

Poponuduk daki poingkuo poimpasi

Oi apa kironggo oh loyouku

Tanda magayo noh tinoluodku diapa

Oi apa pali koduol guangmu

Nokoingalud ko noh mantad dami

Osorou gumuli wagu

Timpu do nakatalib

Sampaggabakan tokou do

Sumambayang.

© TJC Talent Studio

***


SIDE B

TIMPU ID KOLUNGGUYAN

Loyuk : Narsisius J. Misin

Roiton : Philip Diasun

( 13 March 2006 )

Songulunan do maso diti

Katangaban om kalangadan

Opurimanan id ginawoku

Soira osorou ku id nakatalib

Id ninawau silo tulan

Mogowit kasarahan ditolumis

Nga baino ingaa nodi

Miagal po ngawi do nipi

Timpu diti timpu do kolungguyan

Soira kosorou nawayaan toh

Nga baino osongulunan poh di

Tinongkiadan nu id kolungguyan

Turu romouku kosorou dika

Oupus oku po da dika

Kuroyon po di au noh gumuli

Timpu-timpu di miampai dika

Noolu nu poh di do kasarahan

Tu au koh nodi gumuli doho..

© TJC Talent Studio

***

TADAU DO PISASAWAAN

Loyuk om Roiton : Narsisius J. M

( 18 October 2005 )

Norikot nodi tadau do piandad andad

Tadau do pisasawaan sikoyu

Nokopiiso oh ginawo

Miampai batos piginawaan

Sinsing do poinsulung id tunturu nu

Tanda do poingirot oh piginawaan

Kada lihuai ngai batos nu

Guminawo gisom sogigisom

Cho:

Tadau baino sonrikot rikot tulun monombului

Molohing om kumulakan tumanud mamaramai

Sonsinding sinding om sonsayau sayau do rumamai

Mamarayou tadau pisasawaan dikoyu

Iti noh koubasanan so tulun tokou

Mogititimung soira haro karamaian

Mogitatabi soira koruba

Misompuru miiso d koubasanan.

© TJC Talent Studio

***

OUPUS GINAWOKU DIKA

Loyuk om Roiton : Narsisius J. M

( 29 December 2006 )

Soira osorou ku ika

Oupus tomod oh ginawoku

Au ku olingan timpu-timpu kito ngoduo do mupus

Sopiirak-irak to olumis do purimananku

Kagayat do tundu unduku… lumangad dika…

Nga kuroyon ku podi

Timpu-timpu do miagal diri

Miagal noh ngawi do nipi au noh gumuli doid doho

Nokopitongkiad kito linohou ko do minamangun

Kopogulu ko do mantad doho…

Oupus ginawoku dika

Tu nokoinsodu ko doho..

Au ko nodi gumuli doho

Noolu nu podi id pomusarahanku..

Tikid tadau logupon ku romou ku

Momusorou nopo dika.. langadon oku…

Sumingkotud oku do sumambayang

Mokinsian do minamangun asanang ko daa

Siou dika koupusan tu nokopitongkiad toh

Oruol do purimanan kohondom dika

Iti noh batos ku dika

Potonomon ku id ginawo

Potulidon ku koposionku miampai do tupus ku dika

Ika noh ponitiu ku poimpasi doiti pomogunan

Mulong tu au ko noh miampai doho

© TJC Talent Studio

***

POBOROS NOH

Loyuk om Riton : Narsisius J. Misin

( 06 April 2006 )

Poboroso noh nung guminawo ko doho

Poboroso noh miampai do tupus nu

Ukabonku ginawoku monorimo do tupus nu

Sogigisom id koposionku

Nung asaga ko do guminawo doid doho

Gompionku ika miampai do tupusku

Patahakonku dika nunu nopo

Poinsuang id saralom ginawoku oi.. koupusan

Cho:

Poboroso noh guminawo ko doho

Ika noh koupusan… pilangad-langadku

Poboroso noh do muhang ko doid doho

Ika noh songulun… pisorou-sorouku

Ika noh koupusan ku

Pointanom id ginawoku

Aiso noh suai ginowoonku

Tupusku kumaa dika..

© TJC Talent Studio

***

KOMULOKAN ID KAMPUNGKU

Loyuk : Narsisius Justin Misin

Roiton : Cornelius Duliat Diki

( 02 February 2005 )

Rongoho poh iti sindingku

Komulokan hilod id kampungku

Di pogulu apandai morobuat

Tapi baino natagak noh ngawi

Minogidu komulokan ngawi

Sompori-sompori mogihum karaja

Karaja kilang karaja kuntirik

Asal podi osokupan makan

Soira gumuli nopo id kampong

Auh kotutun tanak tompinai

Auh kapanau do aiso solipar

Orosian do alasu tadau

Soira gumuli nopo id Bandar

Aiso tusin panambang korita

Nawi tusin pinomoli do bahar

Minoginum gisom osuaban

© TJC Talent Studio

***

posted by TJC Talent Studio @ 1:40 AM   0 comments
~ About Me~

Name: TJC Talent Studio
Home: Tenghilan, Sabah, Malaysia
About Me: TJC Talent Studio
See my complete profile
~ Sing With Us ~

~ My Home ~
~ Previous Post ~
~ Archives ~
~ Relax ~
~ Powered by ~

Free Blogger Templates

BLOGGER